10 янв 08:44
Янгиликлар

Дзюдо

Бугун Тошкентда 500 дзюдочи иштирокида халқаро ўқув-машғулот йиғини бошланади

Бугун пойтахтимиздаги "ЖАР" спорт соғломлаштириш мажмуасида дзюдо бўйича халқаро ўқув-машғулот йиғини старт олади.

25 январга қадар давом этадиган қўшма машғулотда юртимиз дзюдочилари қаторида Россия, Австрия, Ливан, Ҳиндистон, Мўғулистон, Қозоғистон, Қирғизистон давлати терма жамоаларининг жами 500 нафар аъзоси иштирок этади.

Ушбу халқаро ўқув-машғулот йиғини иштирокчи давлат терма жамоаларига 2022 йилги дзюдо мавсуми учун илк тайёргарлик босқич вазифасини ўтаб беради. Бу йил қитъамиз дзюдочиларини Хитойда ўтказиладиган Осиё ўйинлари, дунё спортчиларини эса айнан Тошкент шаҳри мезбонлик қиладиган жаҳон чемпионати кутиб турибди.

Машғулотлар ҳар куни соат 10:00 ҳамда 17:00 да бошланади.