Бунақаси бўлмаган! Америкаликлар ўртасидаги трилогияда яна дуранг қайд этилди

Эътиборга молик натижа америкалик боксчилар Антуан Кобб ва Жейлен Филлипс ўртасидаги трилогия жангида қайд этилди. Боксчилар ўртасидаги учинчи жанг ҳам дуранг натижа билан якунига етди. 

Тўрт раундга мўлжалланган жангда ҳакамларнинг бири 40-36 ҳисобидаги ғалабани Коббга берди. Иккинчи рефери шу ҳисобда Филиппс ғалаба қозонганини эътироф этди. Учинчи ҳакам жанг 38-38 ҳисобидаги дуранг билан якунланди деб ҳисоблади. 

Маълумот учун, ўтган йилнинг апрель ойида ўтказилган илк жангда шундай ҳисоб кузатилганди: 38-38, 38-38, 39-37 (Кобб фойдасига). Сентябрда ўтган иккинчи жангда ҳакамлардан бири Коббга 40-36, иккинчиси Филлипсга 39-37 ҳисобидаги ғалабани тақдим этганди. Учинчи рефери эса дуранг баҳо берган эди.