"Буни сунъий интеллект деб ўйладим". WBC президенти Усикнинг камарлардан воз кечиши ҳақида гапирди

"Бу ҳолатни сўз билан ифодалаш қийин. Ижтимоий тармоқларни очиб, оғир вазн тоифасидаги жаҳон чемпиони ўз камаридан шунчаки воз кечганини кўрасиз. Оддий қилиб айтганда, ҳеч қандай қўнғироқсиз, хатсиз ва огоҳлантиришсиз. Биз шундай замонда яшаяпмизки, мен ҳатто буни сунъий интеллект яратган деб ҳам ўйладим.

Боксчилар фаолияти давомида турли босқичлардан ўтади. Йўлнинг бошида улар камтар, ғалабаларга чанқоқ, миннатдор ва ишига садоқатли бўлади. Кейин эса пул кўп нарсани ўзгартиради. Шунга қарамай, Александр Усикни ўзгача инсон деб ҳисоблайман. Олимпия ўйинлари чемпиони. Оғир вазнда мутлақ жаҳон чемпиони. Супероғир вазнда икки карра мутлақ жаҳон чемпиони.

Мен унга рингда ҳам, рингдан ташқарида ҳам катта муваффақиятлар тилайман. WBC оиласи Александр Усикка энг эзгу тилакларини йўллайди ва унинг ҳаёти бундан кейин ҳам шундай ажойиб бўлиб қолишини истайди", — деди Сулейман.