«Бунёдкор» - «Пахтакор». Учрашувга кириш бепул!

CocaCola Суперлиганинг 2-туридан ўрин олган «Бунёдкор» - «Пахтакор» учрашуви турнинг марказий ўйини мақомини олган. Марказий, қолаверса, пойтахт дербисини бевосита стадионда томоша қилиш ҳар қандай футбол ишқибозига завқ берса ажаб эмас. «Бунёдкор» миллионлар ўйининг ашаддий ишқибозларига шундай имконият яратиб бермоқда. Чиройли, қизиқарли, курашларга бой, шиддатли ўйин томоша қилмоқчимисиз, шунчаки стадионга ташриф буюринг ва ўз жамоангизни қўллаб-қувватланг.

«Бунёдкор» - «Пахтакор» учрашувини бевосита трибунада томоша қилишни хоҳлаган мухлислар бепул чипталарни ўйин куни «Пахтакор» марказий стадиони дарвозалари олдида бунга масъул инсонлардан олишлари мумкин. Эслатиб ўтамиз, «Бунёдкор» мухлисларига стадионнинг 20-21-22 секторлари ажратилган.

«Бунёдкор» мухлислар учун ўйнайди!