Бухорода йил сарҳисоб қилинди + ФОТО

Тадбирда Бухоро шаҳар ҳокими Жамол Носиров, Бухоро вилояти спортни ривожлантириш бош бошқармаси бошлиғи Ўткир Нажмиддинов, Ўзбекистон дзюдо федерацияси раиси ўринбосари, Бухоро вилояти дзюдо федерацияси раиси Шуҳрат Очилов, йил давомида Осиё ва мамлакат миқёсидаги мусобақалар, шунингдек, "Катта Дубулға", Ислом бирдамлиги ўйинларида муваффақиятли иштирок этган спортчилар, вилоят дзюдо тренерлари иштирок этдилар.

Тадбирни Бухоро шаҳар ҳокими Жамол Носиров очиб берди. У спортчиларимизга 2023 йилда бундан ҳам яхши натижалар кўрсатишларига тилак билдирди. Шундан сўнг федерация раиси Шуҳрат Очилов ҳам сўзга чиқиб, вилоятдан Олимпиада чемпионлари етиб чиқишини тилади. 

Тадбир ғолиб ва совриндор спортчиларни, уларнинг тренерлари ҳамда фахрийларни тақдирлаш билан давом эттирилди. Федерациянинг жонкуяр ходимлари ҳам муносиб тақдирландилар. 

Шу тариқа, 34 нафар спортчи, 7 нафар тренер, 5 нафар федерация ходими ва 5 нафар фахрий меҳмонлар Бухоро вилояти дзюдо федерацияси томонидан қимматбаҳо совғалар билан тақдирландилар.