"Челси" тасвирий санъат асари услубидаги сафар либосини намойиш этди

Nike компаниясининг янги меҳмон экириповкаси тоза матодаги нозик мўйқалам изларидан илҳом олган. Дизайн жамоанинг ижодий руҳини акс эттирувчи нафис ва замонавий кўринишга эга бўлди.

"Челси" футболчилари АҚШда бўлиб ўтадиган Клублар ўртасидаги ЖЧда Бразилиянинг "Фламенго" ва Туниснинг "Эсперанс" клубларига қарши ўйинларда ушбу либосни кияди.

Энцо Мареска қўл остида жамоа АПЛда мавсумни тўртинчи ўринда якунлади. Шу тариқа "кўклар" келаси мавсумда Чемпионлар Лигасида иштирок этади.