12 авг 08:38
Янгиликлар

Теннис

Чемпион Жўрабек Минск турниридан 18 очко ишлаб олди

Мамлакатимизнинг иккинчи ракеткаси кеча Беларусь пойтахти Минск шаҳрида якунига етган "Фьючерс" турнирида бош мукофотни қўлга киритган эди.

Соврин жамғармаси 15 000 АҚШ долларини ташкил этган ушбу мусобақадаги муваффақиятли иштирок ҳамюртимизга 18 рейтинг очкосини келтирди. Бунинг натижасида Каримов эртага эълон қилинадиган янги жаҳон рейтингида ўз ўрнини сезиларли даражада яхшилаб олади.

Эслатиб ўтамиз, Жўрабек Каримов турнирнинг 1 соату 43 дақиқа давом этган финал учрашувида британиялик Жонатан Грейни 6:4, 6:4 ҳисобида мағлуб этиб, мусобақа ғолибига айланган эди. Айни пайтда ҳамюртимиз рейтингда 491-ўринни эгаллаб турибди.