16 янв 15:13
Янгиликлар

Теннис

Чемпион Султонов бугун Доҳадаги юришини бошлайди

Бугун Қатар пойтахти Доҳа шаҳрида теннис бўйича М25 тоифасига кирувчи турнир старт олади.

Мукофот жамғармаси 25 000 АҚШ долларини ташкил этувчи турнирда Ҳумоюн Султонов ҳам ўз маҳоратини намойиш этади. Ҳамюртимиз ўтган ҳафта айнан Доҳадаги М15 тоифасига кирувчи турнирда чемпион бўлган эди. Бу турнирда ҳам бош совринни кўзлаб ҳаракат қилади.

Қуръа натижасига кўра, мамлакатимизнинг биринчи ракеткаси илк даврада россиялик Евгений Карловскийга қарши кортга чиқади. 1/16 финал босқичидан ўрин олган ушбу баҳс бугун соат 18:30да бошланади.

Таққослаш учун, Султонов дунё рейтингида 367, Карловский эса 576-ўринни эгаллаб турибди. Шу кунгача теннисчилар ўзаро икки бор тўқнаш келишган - 1:1. Бугун мувозанат йўққа чиқади.