Чемпионлар Лигасининг 1/4 финал жуфтликлари маълум бўлди

"Барселона" 1/8 финалнинг жавоб баҳсида Англиянинг "Ньюкасл" жамоасини йирик 7:2 ҳисобида мағлуб этиб, кейинги босқичга чиқди. "Ливерпуль" эса дастлабки ўйиндаги мағлубиятдан (0:1) тўғри хулоса чиқариб, ўз майдонида "Галатасарой"ни 4:0 ҳисобида тор-мор этди.

Шунингдек, Мадриднинг "Атлетико" клуби икки ўйин натижасига кўра "Тоттенхэм"дан устун келган бўлса (5:2, 2:3), "Бавария" иккита баҳсда ҳам "Аталанта"ни аяб ўтирмади (6:1, 4:1). Эслатиб ўтамиз, бунга қадар "Реал", "Спортинг", "Арсенал" ва ПСЖ жамоалари ҳам 1/4 финал йўлланмасини нахт қилиб қўйган эди.

ЕЧЛ 2025/2026 йилги мавсум 1/4 финал жуфтликлари билан танишинг:

"Спортинг" — "Арсенал"

"Реал" — "Бавария"

"ПСЖ" — "Ливерпуль"

"Барселона" — "Атлетико"

Дастлабки ўйинлар 7 апрель оқшомида ўтказилади.