17 апр 11:38
Янгиликлар

Теннис

Чехия Билли Жин Кинг кубогининг финал босқичига чиқди

Теннис бўйича Чехия терма жамоаси нуфузли Билли Жин Кинг кубогининг квалификация, яъни саралаш босқичида зафар қучди.

Чехияликлар Эмма Радукану бошчилигидаги Буюк Британия терма жамоасини қийинчилик билан 3:2 ҳисобида мағлуб этишди. Айнан Эмма ўз учрашувида Маркета Вондроушовага 1/6, 1/6 ҳисобида имкониятни бой бериб қўйди.

Бу баҳсдан кейин Чехия 2:1 ҳисобида олдинга чиқиб олди. Кейин инглизлар Хэрриет Дартнинг Линда Фрухвиртова устидан қозонган ғалабасидан сўнг мувозанатни тиклашди - 6/0, 5/7, 6/2.

Ҳал қилувчи учрашувда эса Вондроушова ва Каролина Мухова жуфтлиги Дарт ҳамда Кэти Суон тандемидан устун келди - 6/1, 7/5. Чехия мусобақанинг финал босқичида иштирок этади.