02 июн 13:19
Янгиликлар

Теннис

Чилич Рожер Федерер ва Пит Сампрасни ортда қолдирди

Хорватиялик 33 ёшли Марин Чиличнинг "Ролан Гаррос" 1/4 финалида Андрей Рублёвни беш сет натижасига кўра мағлуб этгани ҳақида хабар берган эдик.

Бу билан у фаолиятидаги ушбу турнирлардаги беш сетлик 34-ғалабасини тантана қилди. Яна 19 та беш сет давом этган учрашувларда мағлубият аламини тотиб кўрган.

Ушбу кўрсаткич бўйича Чилич теннис афсоналари - швейцариялик Рожер Федерер ҳамда америкалик Пит Сампрасни ортда қолдириб, тўртинчи ўринга кўтарилиб олишга муваффақ бўлди. Дастлабки уч ўринни Илие Настасе (39), Новак Жокович (36) ва Иван Лендл (35) эгаллаб турибди.