19 дек 14:16
Янгиликлар

Бошқалар

Чим устида хоккей бўйича Ўзбекистон терма жамоаси Олимпиадага саралаш ўйинларини ғалаба билан бошлади

17-22 декабрь кунлари Покистоннинг Лаҳор шаҳрида ўтказилаётган чим устида хоккей спорт тури бўйича эркаклар ўртасидаги “Hockey Series Open” халқаро турнирининг биринчи босқичида Ўзбекистон миллий терма жамоаси ҳам иштирок этмоқда.

Мазкур мусобақанинг аҳамиятли томони шундаки, Токио-2020 Олимпиадасига лицензия берувчи халқаро турнир ҳисобланади.

Бизнинг хоккейчиларимиз Қозоғистон, Непал ва Афғонистон терма жамоалари билан бир гуруҳдан жой олган. 17 декабрь куни ўтказилган биринчи учрашувда вакилларимиз Афғонистон терма жамоаси устидан 11:0 ҳисобида ғалаба қозонишди.

Кейинги ўйинлар 20 декабрда Непал жамоаси билан, 22 декабрь куни Қозоғистон жамоаси билан ўтказилади.

Гуруҳда биринчи ўринни кўлга киритган жамоа 2019 йил Ҳиндистонда бўлиб ўтадиган ушбу турнирнинг финал босқичига йўлланма кўлга киритади.