23 фев 09:38
Янгиликлар

Бошқалар

Чим устида хоккей. Бугун Андижонда мамлакат чемпионати старт олади

23-28 февраль кунлари Андижон шаҳридаги ихтисослаштирилган олимпия захиралари мактаб-интернатининг спорт мажмуасида 2002-2003 йилларда туғилган ўсмир қизлар ўртасида мамлакат чемпионати ўтказилади.

Ўтган ойнинг охирги ҳафтасида Урганч шаҳрида 16 ёш ва ундан кичик ўсмирлар ва ўсмир-қизлар ўртасида Ўзбекистон очиқ кубоги ўтказилган эди. Ўсмирлар ўртасидаги баҳсларда майдон эгалари бош совринини қўлга киритган бўлса, андижонликлар иккинчи, наманганликлар эса учинчи ўринни қўлга киритишганди. Қизлар ўртасидаги курашларда мезбонларга тенг келадигани топилмаганди. Кумуш ва бронза медаллари Самарқанд ҳамда Фарғона вилояти вакилларига насиб этганди.

Андижонда ўтадиган Ўзбекистон очиқ кубогида Андижон, Фарғона, Наманган, Тошкент, Самарқанд, Бухоро ва Хоразм вилоятлари жамоалари иштирок этиши кутилмоқда. Шунингдек, мусобақа давомида мураббийлар ва ҳакамлар семинари ташкил этиш ҳам режалаштирилган.