Циндао “Мастерс”. Бугун беш нафар дзюдочимиз татамига чиқади

Дунёнинг 5 қитъаси 68 мамлакатидан жами 454 нафар дзюдочи иштирок этадиган мусобақада Ўзбекистон терма жамоасининг 11 аъзоси ҳам медаллар ҳамда Токио-2020 Олимпиадаси йўлидаги муҳим рейтинг очколари учун баҳсларга киришади. 

Бугун  бир йўла 5 нафар дзюдочимиз Циндао татамиларида ўз маҳоратини намойиш этади. Рейтинги энг юқори бўлган дзюдочимиз, жаҳон чемпионатининг кумуш медали совриндори Шарофиддин Лутфуллаев илк даврада хитойлик Рилеге Суга қарши татамига чиқади. 

-60 кг вазндаги иккинчи дзюдочимиз, Рио-2016 Олимпиадасининг бронза медали соҳиби Диёрбек Ўразбоев эса амалдаги жаҳон чемпиони, грузиялик Лукхуми Чхвимиани билан ҳисоб-китоб қилади. Ўразбоев бугун Лукхумидан Шарофиддин учун реванш олишга уриниб кўради. Ҳар бир вазн ғолиблари 1800 рейтинг очкосига эга чиқади. 

-60 кг: 

Шарофиддин Лутфуллаев - Рилеге Су (Хитой) биринчи давра

Диёрбек Ўразбоев - Лукхуми Чхвимиани (Грузия) биринчи давра

-66 кг: 

Шаҳрам Аҳадов - Михаил Пуляев (Россия) иккинчи давра

Сардор Нуриллаев - Маттео Медвес (Италия) иккинчи давра

-52 кг: 

Диёра Келдиёрова - Шарлин Ван Сник (Бельгия) биринчи давра