11 янв 12:10
Янгиликлар
Бошқалар
“Дакар”-2017. Мусобақанинг 9-босқичи бекор қилинди
Аргентина йўллари бўйлаб давом этаётган “Дакар”-2017 кўпкунлик мусобақасининг 9-босқичи бекор қилинди.
Бунга ноқулай об-ҳаво шароити сабаб бўлди. Ушбу босқич пойгалари Аргентинанинг Сальта ва Чилесито шаҳарлари оралиғидаги 406 километр масофада ўтказилиши керак эди.
Кучли бўрон, сел келиш хавфи
сабаб ташкилотчилар 9-босқич пойгасини кечроқ муддатда ўтказишга қарор қилишди.
Аввалроқ, Боливия ҳудудида ўтказилган 6-босқич ҳам айнан ноқулай об-ҳаво
шароити сабаб бекор қилинганди.
Эслатиб ўтамиз, “Дакар”-2017 мусобақаси Жанубий Америка қитъасининг Парагвай, Боливия ва Аргентина ҳудудлари бўйлаб ўтказилади. Ралли-рейд 14 январь куни Аргентинанинг Буэнос-Айрес шаҳрида якунланади.
Ҳавола :
Фикрлар