Дана Уайт UFC 331 турнири учун янги бонусни эълон қилди

Лига раҳбарининг сўзларига кўра, 50 000 долларлик махсус бонус UFC`нинг телевидениядаги ҳамкори бўлган Paramount платформасида "Gangsterlend" (Tulsa King) сериалининг иккинчи мавсуми чиқиши муносабати билан таъсис этилди.

"Paramount билан шартнома имзолашимдан анча олдин, мен сизларга "Gangsterlend"нинг катта мухлиси эканлигимни айтганман. Бу телевидениядаги энг яхши сериаллардан бири ва унинг иккинчи мавсуми премьераси шу жума куни, яъни Лос-Анжелесдаги UFC 331 турниридан бир кун олдин Paramount+ платформасида бўлиб ўтади.

Шу сабабли, фақат бир оқшом учун биз октагонга бироз ҳақиқий тартибсизлик (хаос) қўшамиз. UFC 331 турнирида биз "Ҳақиқий хаос" бонусини жорий қиламиз. Менинг фикримча, уни энг кўп лойиқ бўлган жангчи 50 000 доллар мукофот олади", — деди Уайт.

Албатта, янги бонус анъанавий 100 000 долларлик турнир бонусларини (тўрт нафар ажралиб турган жангчи учун) ва муддатидан олдин ғалаба қозонганлар учун бериладиган 25 000 долларлик бонусларни бекор қилмайди. Яъни, бу қўшимча мукофот пули бўлади. 

Аввалроқ ташкилот раҳбари "Gangsterlend" сериали ижодкорлари британиялик топ енгил вазнли жангчи Пэдди Пимблеттга рол таклиф қилиш учун у билан боғланганликларини айтиб ўтган эди.