02 авг 16:42
Янгиликлар

Бокс/ММА

Дана Уайт Усман Нурмагомедовни UFC'га жалб қилиш ҳақидаги саволга битта сўз билан жавоб берди

UFC президенти Дана Уайт PFL New York турнирида Арчи Колганни мағлуб этгач эркин агентга айланган Усмон Нурмагомедов билан шартнома тузиш эҳтимолига ишора қилди.

Белград шаҳрида бўлиб ўтган UFC турниридан кейинги матбуот анжуманида Уайтдан россиялик жангчига қизиқиши ҳақида сўралди. UFC раҳбари бу саволга бир сўз билан жавоб берди:

— Албатта.

Шу билан бирга, у жавобини айёр табассум билан кузатиб қўйди. Кейинроқ эса ижтимоий тармоқларда ушбу воқеа акс этган видеога жавоб тариқасида кулгу эможисини жойлаштирди.

Эслатиб ўтамиз, Усмон Нурмагомедов PFL енгил вазн тоифасидаги чемпионлик унвонини ҳимоя қилиб, Арчи Колганни биринчи раунднинг ўзида нокаутга учратган эди. Бу жанг унинг ташкилот билан амалдаги шартномаси доирасидаги сўнгги баҳси бўлди.