Даниил Медведев келаси ҳафта сайёрамиз биринчи ракеткасига айланади

Медведев фаолиятида илк бор жаҳоннинг биринчи ракеткаси бўлади. Бу Новак Жоковичнинг Дубайдаги турнир чорак финалида АТР рейтингида 123-ўринни эгаллаб турган чехиялик Иржи Веселийга мағлуб бўлганидан сўнг содир бўлди. Медведев эса Акапулько турнири ярим финалига чиқди. 

Жокович 410 очко йўқотади ва ўз таҳтини келаси ҳафта россиялик теннисчига бўшатиб беради. Даниил Медведев Евгений Кафельников ва Марат Сафиндан кейин АТР рейтингини бошқарадиган учинчи россиялик теннисчига айланади.