Даниил Медведев Марселда 1/2 финалга чиқди

Сайёрамизнинг учинчи ракеткаси Даниил Медведев Open 13 Provence мусобақасининг ярим финал иштирокчисига айланди. Россиялик теннисчи чорак финал учрашувида рейтингнинг 34-поғонасидан жой олиб турган италиялик Янник Синнерни мағлуб этди - 6/2, 6/4.

Медведев - Синнер баҳси 73 дақиқа давом этган бўлиб, унда 25 ёшли Даниил 5 та, 19 яшар Янник эса 2 та эйс зарбани амалга оширган. Ўзаро учрашувларда Медведев энди 2:0 ҳисобида олдинда бормоқда. Бугун россиялик теннисчи Open 13 Provence ярим финалида австралиялик Мэттью Эбденга қарши кортга чиқади.