Дарья Касаткинани финал остонасида тўхтатишди

WTA рейтингида 23-поғонадан жой олган россиялик Дарья Касаткина ярим финал учрашувида дунёнинг еттинчи ракеткаси, тунислик Онс Жаберга имкониятни бой берди - 4/6, 6/1, 5/7.

Тўрт дақиқаси кам икки соат давом этган баҳсда 25 ёшли Касаткина битта ҳам эйс зарбасини ижро эта олмади. 27 ёшли Жаберда бу кўрсаткич 5 тани ташкил қилди. Онс ўзаро учрашувларда 4:2 ҳисобида олдинда бормоқда. Бугун у бош соврин учун сайёрамизнинг биринчи рақамли теннис маликаси, польшалик Ига Свёнтекка қарши кортга чиқади.