27 янв 07:53
Янгиликлар

Бокс/ММА

Дастин Порье Гэтжи билан трилогия учун "қафас"га қайтишга тайёрлигини айтди

Енгил вазн тоифасида UFC чемпионлик камари учун уч карра собиқ даъвогар Дастин Порье ҳамюрти Жастин Гэтжи билан учинчи жанг учун фаолиятини давом эттиришга тайёрлигини маълум қилди.

"Мен бу жанг учун қайтган бўлардим", - деб ёзди Порье ижтимоий тармоқдаги саҳифасида.

Эслатиб ўтамиз, Порье ва Гэтжи ўртасидаги илк жанг 2018 йилнинг апрель ойида UFC on Fox 29 турнирида бўлиб ўтганди. Ўшанда Дастин тўртинчи раундда техник нокаут эвазига зафар қучган эди. Реванш 2023 йил июль ойида UFC 291 турнири доирасида бўлиб ўтди ва унда Гэтжи иккинчи раундда нокаут билан ғалаба қозонди.