31 июл 09:56
Янгиликлар

Бокс/ММА

Дастин Порье UFC ростеридан чиқарилди

Енгил вазн тоифасида (70 кг гача) собиқ вақтинчалик UFC чемпиони Дастин Порье дунёнинг энг кучли Лигаси рўйхатидан чиқарилди.

Бу ҳақда Лига таркибидаги ўзгаришларни кузатиб борувчи Х (собиқ Twitter) ижтимоий тармоғидаги UFC Roster Tracker аккаунти хабар берди.

Америкалик 36 ёшли аралаш яккакураш устаси 20 июль куни Нью-Орлеан (Луизиана штати, АҚШ) шаҳрида бўлиб ўтган UFC 318 турнири доирасида ҳамюрти Макс Холлоуэйга қарши кечган трилогияда ҳакамларнинг якдил қарори билан мағлуб бўлганди. Айнан ушбу жанг Бриллиант учун профессионал фаолиятидаги сўнггиси бўлиб қолди.

Маълумот учун, Дастин Порье UFC промоушенида 15 йил давомида жанг ўтказди ва бу борада том маънода афсонага айланди. Бу вақт оралиғида у 22 та жангда ғалаба қозонди. Ҳисобида 9 мағлубият ва битта ўтказилмаган жанг ҳам бор.