18 сен 11:03
Янгиликлар

Теннис

"Davis Cup". Бугун Норвегияга қарши жуфтлик баҳсларида ўйнаймиз

Теннис бўйича норасмий жаҳон чемпионати ҳисобланган "Дэвис кубоги" мусобақаси давом этмоқда.

Жаҳон лигаси саралаш босқичида Ўзбекистон терма жамоаси Норвегияга қарши баҳс олиб бормоқда.

Кеча яккалик баҳсларида аввалига Ҳумоюн Султонов, кейин эса Денис Истомин имкониятни бой бериб қўйди. Бугун мусобақа доирасида жуфтлик баҳслари ва иккита яккалик беллашувлари бўлиб ўтади.

Тошкент вақти билан соат 17:00да Денис Истомин / Санжар Файзиев жуфтлиги Каспер Руд / Виктор Дурасович тандемига қарши баҳс юритади.

Ушбу баҳс тўқнашув тақдирини ҳал қилиб беради. Айни пайтда ҳисоб Норвегия фойдасига 2:0 ҳисобига ҳал бўлиб турибди.

Тўртинчи ва бешинчи баҳсларда Денис Истомин ва Ҳумоюн Султонов яккалик ўйинида кортга чиқади. Жуфтлик баҳслари натижасига қараб, яккаликда иштирок этадиган теннисчиларимиз рўйхати ўзгариши мумкин.