26 окт 14:37
Янгиликлар

Дзюдо

Давлат Бобонов чорак финал остонасида тўхтатилди

"Катта Дубулға" турнирининг -90 кг вазн тоифасидаги баҳсларида юртимиз шарафини ҳимоя қилаётган ёшлар ўртасида Осиё чемпиони Давлат Бобонов учинчи даврада мағлубиятга учради.

Дзюдочимиз чорак финал остонасида венгриялик тажрибали спортчи, шу йили Японияда ўтган Жаҳон чемпионатида 5-ўринни эгаллаган Кристиан Тоттга олтин очко учун кечган баҳсда ютқазиб қўйди. Тотт ва Бобонов ўртасидаги беллашув ўта муросасиз кечганини алоҳида таъкидлаш жоиз.

+100 кг вазндаги дзюдочимиз Алишер Юсупов биринчи даврада Тошкент Гран-при турнириларининг кумуш ва бронза медали соҳиби, австриялик тажрибали полвон Даниэль Аллерсторферни мағлуб этганди. Иккинчи даврада амалдаги Осиё ўйинлари ғолиби, шу йил Парижда ўтган "Катта Дубулға" турнири ғолиби, Осиё-Океани чемпиони, кореялик Ким Санг Минга ютқазиб қўйди.