18 июл 15:18
Янгиликлар
Бокс/ММА
Де Ла Хойя рингга қайтиш режалари ҳақида маълумот берди
Бокс бўйича собиқ жаҳон чемпиони Оскар Де Ла Хойя рингга қайтиш учун олиб бораётган тайёргарлиги ҳақида гапириб ўтди.
"Мушакларим ҳолатини назорат қилиб борадиган жамоа бор. Навбатдаги босқич - тўлиқ машғулот лагери. Яна 2-3 босқичдан сўнг мен жаҳон миқёсидаги боксчилар билан спарринг олиб бораман.
Сентябрь ойига яқин 12 раундлик спарринглар ўтказмоқчиман. Рингга эса 2021 йилда қайтишни режалаштирганман. Агар буни қайта ўйлаб кўрмасам албатта.
Катта Флойд Мэйвезер мени эрталаб соат 5 да уйғонишга мажбур қила оладиган ягона инсон. У мени мажбурлай оладиган ва керакли "тугмани" боса оладиган, ақл билан меҳнат қилдирадиган мураббийдир. Шунинг учун мен унга бориб ёрдам сўрашим мумкин", - деди Оскар.
Маълумот учун, 47 ёшли Де Ла Хойя 2008 йилда фаолиятини якунлаганди.
Ҳавола :
Манба : iSport
Фикрлар