07 сен 07:49
Янгиликлар

Теннис

Денис Истомин Чикагода иккинчи ғалабасини тантана қилди

Шу кунларда АҚШнинг Чикаго шаҳрида мукофот жамғармаси 150 000 АҚШ долларини ташкил қилувчи мусобақа давом этмоқда.

Ушбу “Челленжер” туркумига кирувчи турнирда ҳамюртимиз Денис Истомин ҳам муваффақиятли тарзда иштирок этяпти. Мамлакатимизнинг биринчи ракеткаси яккалик баҳсларининг иккинчи даврасида америкалик Томми Полга қарши кортга чиқди.

Дунё рейтингида 370-ўринни эгаллаб турган Полга мусобақа ташкилотчилари асосий тўрда қатнашиш ҳуқуқини берувчи имтиёзли йўлланма тақдим этишганди. Бир соату 11 дақиқа давом этган учрашувда Истомин рақибини 7:5, 6:3 ҳисобида мағлуб этди.