Денис Истомин Дубай турниридаги иштирокини якунлади

Ҳамюртимиз асосий тўрнинг биринчи давра учрашувида Робин Хаасга қарши кортга чиқди. Голландиялик ракетка устаси дунё рейтингида 66-поғонадан жой олган. Истомин эса 68-ўринни эгаллаб турибди.

Бир соату 5 дақиқа давом этган баҳсда Истомин рақибига 2:6, 4:6 ҳисобида имкониятни бой бериб қўйди. Теннисчилар шу кунгача ўзаро икки бор тўқнаш келишганди. Уларнинг ҳар иккисида ҳам голландиялик спортчининг қўли баланд келган.