06 сен 08:58
Янгиликлар

Теннис

Денис Истоминнинг 1/8 финалдаги рақиби маълум бўлди

Хабар берганимиздек, шу кунларда АҚШнинг Чикаго шаҳрида мукофот жамғармаси 150 000 АҚШ долларини ташкил қилувчи мусобақа давом этмоқда.

Ушбу “Челленжер” туркумига кирувчи турнирда ҳамюртимиз Денис Истомин ҳам иштирок этяпти. Мамлакатимизнинг биринчи ракеткаси Денис Истомин яккалик баҳсларининг илк даврасида сальвадорлик Марсело Аревалони 6:4, 6:1 ҳисобида мағлуб этганди.

Энди Денис нимчорак финал учрашувида америкалик Томми Полга қарши кортга чиқади. Дунё рейтингида 370-ўринни эгаллаб турган Полга мусобақа ташкилотчилари асосий тўрда қатнашиш ҳуқуқини берувчи имтиёзли йўлланма тақдим этишган.

Томми илк даврада рейтингда 711-поғонадан жой олган Жанубий Африка Республикаси вакили Руан Ролофсдан 6:3, 6:2 ҳисобида устун келди. Денис Истомин ATP рейтингида 76-ўринни эгаллаб турибди.