Денис Истоминнинг финал остонасидаги рақиби маълум

Соврин жамғармаси 150 000 АҚШ долларини ташкил қилувчи ушбу турнирда бугун ярим финал учрашувлари ўтказилади. Финалга чипта берувчи ушбу икки учрашувнинг бири ҳамюртимиз Денис Истомин иштирокида бўлиб ўтади. 

Мусобақанинг иккинчи ракеткаси сифатида эътироф этилган Истомин кеча тунда турнирда олтинчи рақам остида ҳаракат қилган бельгиялик Рубин Бемельмансни 1 соату 14 дақиқа давом этган чорак финал учрашувида 6:3, 6:4 ҳисобида мағлуб этганди. 

Мамлакатимизнинг биринчи ракеткаси бугун ярим финалда америкалик 25 ёшли Бьорн Фратанжелога қарши кортга чиқади. Учрашув Тошкент вақти билан соат 21:30да бошланади. Денис дунё рейтингида 76, Фратанжело эса 175-ўринни эгаллаб турибди. Теннисчилар шу кунгача ўзаро тўқнаш келишмаган.