Дерек Чисора Деонтей Уайлдер билан реванш жанги музокараларини бошлади

Фахрий боксчининг Sky Sports’га берган интервьюсида айтишича, у аллақачон реванш жанги бўйича музокараларни бошлаган.

"Мен реванш устида ишлаяпман, - деди Чисора. — Ҳали масала ҳал бўлгани йўқ: бир-иккита учрашувим бор, шундан кейин озми-кўпми аниқ бўлади. Уайлдер рози, чунки у ҳам натижадан кўнгли тўлмаган. Ҳа, у ғалаба қозонди, лекин барибир норози, шунинг учун биз жангни такрорламоқчимиз.

Чисоранинг сўзларига кўра, бу сафар у профессионал рингга фаолиятида сўнгги марта чиқиши аниқ. "Бўлди, йил охирида фаолиятимни якунлайман", — деб ваъда берди Чисора.

Эслатиб ўтамиз, 4 апрель куни Лондонда бўлиб ўтган жангда Деонтей Уайлдер ҳакамларнинг айри қарори билан ғалаба қозонган эди. Умуман олганда, жангнинг катта қисми канатлар яқинида ўтиб, клинчларга бой бўлганди.