16 апр 11:00
Янгиликлар
Бокс/ММА
Дэвид Хэй: “Белльюга ютқазсам, фаолиятимни якунлайман”
Профессионал бокснинг биринчи оғир вазн тоифасида собиқ жаҳон чемпиони Дэвид Хэй ҳамюрти Тони Белльюга реванш жангида имкониятни бой берса, фаолиятини якунлашини маълум қилди.
“Ҳозир 37 ёшдаман, тез кунда 38га тўламан. Белльюни мағлубиятга учратган тақдиримда ҳам қўлқопларимни михга илишим мумкин. Бу ҳолат ёрқин жанг намойиш эта олмаган ҳолатимда рўй беради. Агар ютқазсам, аниқ фаолиятимни якунлайман. Бунга юз фоиз кафолат бераман”, - деди Хэй.
Эслатиб ўтамиз, Хэй ва Беллью ўртасидаги реванш жанги 5 май куни бўлиб ўтади. Бу икки боксчининг илк тўқнашувида Беллью номдор рақибини техник нокаутга учратган эди.
Ҳавола :
Фикрлар