Дэвис Кубоги. Финал учрашувининг биринчи кунидан сўнг тенглик

Франциянинг Лилль шаҳрида старт олган финалда мезбонлар ҳамда Бельгия терма жамоаси ўзаро тўқнаш келишяпти. Илк учрашувда франциялик Люка Пуй Якуний турнир финалчиси, дунёнинг еттинчи ракеткаси бельгиялик Давид Гоффенга 5:7, 3:6, 1:6 ҳисобида ютқазди.

Яна бир мезбон теннисчи Жо-Вилфрид Тсонга эса Стив Дарсисни 6:3, 6:2, 6:1 ҳисобида енгиб, ўртадаги мувозанатни тиклади: Франция – Бельгия- 1:1. Бугун жуфтлик баҳси ўтказилади. Унда Ришар Гаске / Пьер-Юг Эрбер ҳамкорлиги Рубен Бемельманс / Йорис де Лооре тандемига қарши кортга чиқади.