Дэвис Кубоги: Гонконг — Ўзбекистон баҳсининг биринчи кунидан кейин тенглик

Теннисчиларимиз ушбу босқичда Гонконг терма жамоасига қарши баҳс олиб боришяпти. Victoria Park Tennis Stadium мезбонлик қилаётган баҳсларнинг биринчи куни доирасида икки яккалик учрашуви ўтказилди. Дастлаб иккинчи ракеткамиз Сергей Фомин мезбонларнинг биринчи рақамли теннисчиси Коулман Вонгга қарши кортга чиқди ва 2/6, 2/6 ҳисобида имкониятни бой бериб қўйди. 

Таққослаш учун, гонконглик теннисчи ATP рейтингида 173, Фомин эса 483-ўринни эгаллаб турибди. Кейин биринчи ракеткамиз Ҳумоюн Султонов 1 соату 52 дақиқа давом этган учрашувда рейтинги йўқ рақиби Фу Вонгни қийинчилик билан енгди - 7/6(4), 6/3. Султонов ATP рейтингида 331-ўриндан жой олган.

Эртага жуфтлик ҳамда яккалик баҳслари ўтказилади: 

Чун Хун Вонг/Коулман Вонг — Сергей Фомин/Ҳумоюн Султонов

Коулман Вонг — Ҳумоюн Султонов

Фу Вонг — Сергей Фомин.