17 сен 00:18
Янгиликлар

Теннис

Дэвис Кубоги. Истомин панд берди, Буюк Британия жаҳон лигасида!

Теннис бўйича норасмий жаҳон чемпионати ҳисобланган Дэвис Кубогининг плей-офф босқичида иштирок этган Ўзбекистон терма жамоаси 1:3 ҳисобида ютқазди.

Мусобақанинг сўнгги куни яккаликда иккита учрашув ўтказилиши керак эди. Лекин ҳамюртимиз Санжар Файзиевнинг кутилган мағлубиятидан кейин томонлар ўзаро келишган ҳолда сўнгги учрашувни ўтказмасликка қарор қилишди.

Денис Истоминнинг кутилмаганда тўртинчи тўқнашувда иштирок этмаслиги режаларни ўзгартириб юборди. Ўзи биринчи учрашувда мағлубиятга учраган теннисчимиздан ҳеч бўлмаса шу баҳсда ижобий натижа кутгандик.

Унинг ўрнини эгаллаган Санжар Файзиев эса деярли Камерон Норрига қаршилик кўрсатмади - 2:6, 2:6, 0:6. Буюк Британия терма жамоаси 3:1 ҳисобидаги ғалаба эвазига келаси йили яна жаҳон лигасида иштирок этадиган бўлди.