24 фев 09:08
Янгиликлар

Теннис

Дэвис Кубоги. Туркиянинг Ўзбекистонга қарши таркиби маълум

4-5 март кунлари пойтахтимизда "Дэвис Кубоги"нинг 1-жаҳон гуруҳи, плей-офф, 1-босқичи доирасида Ўзбекистон ва Туркия терма жамоалари ўртасида ўйин бўлиб ўтади.

Туркия терма жамоасининг ушбу баҳс учун таркиби эълон қилинди. Унга кўра, Туркия Алтуг Челикбилек, Кем Илкель, Ергил Киркин, Янки Эрел, Марсель Илхан билан Тошкентга келади. Жамоа сардори сифатида Марсел Илхан кўрсатилган.

Маълумот учун, ҳозирда АТР рейтингида Челикбилек 154, Илкел 197, Киркин 373, Эрел 415, Илхан эса 724-ўринни эгаллаб турибди.

Аввалроқ, терма жамоамизнинг Туркияга қарши кечадиган баҳс учун таркиби ҳам маълум бўлган эди. Денис Истомин, Ҳумоюн Султонов, Санжар Файзиев, Сергей Фомин ва Максим Шин бўлажак учрашувда юртимиз шарафини ҳимоя қиладилар. Жамоамиз сардори сифатида Фарруҳ Дўстов қайд этилган.

Маълумот учун, ҳозирда АТР рейтингида Истомин 242, Султонов 424, Санжар Файзиев 516, Сергей Фомин 823-ўринни эгаллаб турибди. Максим Шин эса ҳали АТР рейтингига кирмаган.