30 июн 18:20
Янгиликлар

Теннис

Диана Шнайдер Бад-Хомбургни забт этди

Россиялик Диана Шнайдер Германиянинг Бад-Хомбург шаҳрида якунига етган WTA 500 тоифасига кирувчи турнир ғолибасига айланди.

Дунёнинг 47-ракеткаси бўлиб турган Диана финал баҳсида рейтингда ўзидан икки поғона қуйида бораётган хорватиялик Донна Векични уч сет натижасига кўра мағлубиятга учратди - 6/3, 2/6, 6/3. Бу теннис маликаларининг ўзаро ўтказган илк учрашуви эди.

Икки соату 12 дақиқа давом этган баҳсда Шнайдер 9, Векич 7 та эйс зарбасини амалга оширган. Қўшхатолар Доннада кўп бўлди - 4 га 1. Брейклар бўйича устунлик Диана томонда - 4 га 3!

Bad Homburg Open турниридаги бир ҳафталик самарали меҳнат Шнайдерга 500 рейтинг очкоси ҳамда 123,480 евро мукофот пули келтирди. Россиялик иқтидор эгаси фаолиятидаги иккинчи WTA турнири титулини қўлга киритди.