15 сен 11:10
Янгиликлар

Футбол

Дибала "Ювентус" билан шартномани узайтириш борасидаги музокараларни тасдиқлади

"Ювентус" форварди Пауло Дибала унинг агенти клуб раҳбарияти билан шартномани узайтириш борасида музокаралар ўтказаётганини хабар қилди.

"Томонлар суҳбатлашишмоқда, биз барчамиз позитив кайфиятдамиз ва қандайдир якунга келишга умид қиламиз. Ушбу ҳафтада янги учрашув бўлади деб ўйлайман", - дейди Дибала.

Аргентиналик ҳужумчининг амалдаги шартномаси мавсум сўнггига қадар мўлжалланган. Форвард жорий мавсум Италия чемпионати доирасидаги 2 та ўйинда майдонга тушиб, 1 та гол уришга эришди.