Диллашоудан допинг чиқди, у UFC чемпионлик камаридан воз кечди

Нью-Йорк штати Атлетик комиссияси ҳамда USADA ташкилоти томонидан олинган допинг-таҳлил ижобий натижа берган. Бу хабарни эшитган Диллашоу ихтиёрий равишда чемпионлик камаридан воз кечган ва уни вакант қолдирган. Бу ҳақда Ти Жей ўзининг Инстаграм саҳифасида хабар берган.

"Мухлисларимга афсус билан шуни маълум қиламанки, USADA ташкилоти ҳамда Нью-Йорк штати атлетик комиссияси менинг допинг-таҳлилимда тақиқланган модда аниқлабди. Бу хабарни эшитиб хайратдан ёқа ушладим. Ҳозир менинг жамоам вазиятга ойдинлик киритиш бўйича ишлаяпти. Дивизионнинг бошқа спортчиларига ҳурматни сақлаган ҳолда мен чемпионлик камаримдан воз кечаман. Бу ҳақда UFC раҳбариятини ҳам хабардор қилдим", - деди Диллашоу.