21 авг 08:44
Янгиликлар

Теннис

Димитров Цинциннатида салкам 1 млн доллар ишлаб топди

АҚШнинг Цинциннати шаҳри мезбонлик қилган “Мастерс” сериясига кирувчи турнирда ғолиб номи маълум бўлди.

Western & Southern Open турнирининг соврин жамғармаси 5 миллион 627 минг 305 долларни ташкил қилди. Финал баҳсида болгариялик Григор Димитров австралиялик Ник Кирьосга қарши кортга чиқди.

Бир соату 25 дақиқа давом этган учрашувда дунёнинг 11-ракеткаси ҳисобланган Димитров 6:3, 7:5 ҳисобида ғалаба қозонди. Ушбу муваффақиятли иштирок Григорга 954 минг 225 доллар мукофот пули ҳамда 1000 рейтинг очкосини тақдим этди.