Дисквалификация Хабибнинг режаларига таъсир кўрсатмайди

"Спорт нуқтаи назаридан олиб қарайдиган бўлсак, 9 ойлик дисквалификация режаларимизга хеч қандай таъсир кўрсатмайди. Хабиб ноябрь ойигача октагонга қайтмасди барибир. 5 май - 3 июнь кунлари Рамазон ойи ҳисобланади ва у рўза тутган ҳолда жисмоний ҳолатини ушлаб туриши жуда қийин бўлади. Рамазондан сўнг у машғулотларга киришади ва UFCдаги навбатдаги жангига тайёрлана бошлайди.

Биз Фергюсон ёки Сен-Пьер билан жанг қилишни истардик. UFC МакГрегорга қарши реваншни истамоқда. Бунинг иложи бор. Аммо, бу биз учун у қадар қизиқ эмас. МакГрегор - ўтиб бўлинган босқич. Хабибнинг олдида бошқа вазифалар бор. Унга кучли ва муносиб рақиб керак. Бу ерда мен Фергюсон ва Сен-Пьерни назарда тутяпман. Шунингдек, Мэйвезерга қарши бокс жанги ҳам режада турибди", - деди катта Нурмагомедов.