26 авг 09:47
Янгиликлар

Дзюдо

Диёра Келдиёрова 62 сонияда ғалабага эришди

Хабар берганимиздек, Токио шаҳрида дзюдо бўйича катталар ўртасидаги жаҳон чемпионатининг иккинчи кунги баҳслари давом этмоқда.

Ҳозиргина -52 кг вазн тоифасидаги вакиламиз Диёра Келдиёрова иккинчи ғалабасига эришди. Кадетлар ўртасида жаҳон, катталарда Осиё чемпиони бўлган юртдошимиз иккинчи босқичда озарбайжонлик Гултаж Мамадалиевани 1 дақиқа 2 сония ичида иппон, яъни соф ғалаба билан мағлуб этди.

Илк босқичда португалиялик Жоана Диегони ҳам иппон баҳоси билан мағлубиятга учратган Диёра бироздан сўнг япониялик кучли рақиб Ута Абега қарши татамига чиқади. Абе бироз аввал бразилиялик Ларисса Пиментадан устун келганди.