20 апр 16:06
Янгиликлар

Дзюдо

Диёра Келдиёрова Осиё чемпионатининг финалида!

Хабар берганимиздек, бугун БААнинг Фужайра шаҳрида дзюдо бўйича йилнинг нуфузли мусобақаси - Осиё/Океания чемпионати бошланди.

Катталар ўртасидаги Осиё/Океания чемпионатида Ўзбекистон терма жамоаси аъзолари ҳам иштирок этяпти. -52 кг вазн тоифасидаги юртдошимиз Диёра Келдиёрова икки ғалаба эвазига ярим финал йўлланмасини қўлга киритганди.

Ҳозиргина у КХДР вакиласи Сим Сонг Римга қарши татамига чиқди ва рақибасини мағлубиятга учратиб, финалга йўл олди. Диёра олтин медали учун кечадиган финал беллашувида мўғулистонлик Сосорбарам Лхагвасуренга қарши баҳс олиб боради.

Эслатиб ўтамиз, Келдиёрова илк босқичда австралиялик Кимберлей Чалмерс, иккинчи даврада эса кореялик Да Сол Паркдан устун келган эди.