Доҳа (ATP). Хачанов фаолиятидаги 6-совринини қўлга киритди

Бош соврин россиялик Карен Хачановга насиб этди. Дунёнинг 17-ракеткаси бўлиб турган россиялик теннисчи ҳал қилувчи финал баҳсида ATP рейтингида 116-поғонасида жойлашган чехиялик 18 ёшли Якуб Меньшикка қарши кортга чиқиб, қийинчилик билан ғалабага эришди - 7/6(12), 6/4.

Бу теннисчиларнинг ўзаро ўтказган илк учрашуви эди. Бир соату 50 дақиқа давом этган баҳсда Хачанов 10, Меньшик 17 та эйс зарбасини амалга оширган. Қўшхатолар Якубда кўпроқ бўлди - 3 га 1. 

Шу тариқа, Хачанов мавсумдаги биринчи, фаолиятидаги олтинчи совринини қўлга киритди. Қатардаги бир ҳафталик муваффақиятли иштирок Каренга 250 рейтинг очкоси ҳамда 212,300 доллар мукофот пули тақдим этди. Меньшик эса 165 очко ва 123,840 долларга эга бўлди.