09 фев 16:53
Янгиликлар

Бокс/ММА

Дональд Серроне: Конор, биз сен билан Хабибнинг камари учун жанг қиламиз!

Америкалик аралаш қоидалар жангчиси Дональд Серроне ўзиниг Конор Макгрегорга қарши ўтказилиши кутилаётган жанги ҳақида фикр билдирди.

Айтишларича, Конор ва Серроне ўртасидаги жанг Хабиб Нурмагомедовга тегишли бўлиб турган енгил вазн тоифасидаги UFC чемпионлик камари учун кечади.

“Яхши хабарлар, Конор! Афтидан, биз сен билан енгил вазн тоифаси вақтинчалик чемпионлик камари учун жанг ўтказамиз. Америка ва Ирландия ўртасида ҳал бўладиган камар! Proper 12 вискиси “Budweiser”га қарши”, - дея ўзининг Твиттер саҳифасида хабар қолдирган Серроне.

Эслатиб ўтамиз, кеча UFC президенти Дана Уайт ёзда Серроне ва Макгрегор ўртасида жанг ўтказилиши айтиб ўтганди. Агар Хабиб Нурмагомедов Конорга қарши ўтказган жангидан бошлаб бир йил ичида жанг ўтказмаса, унинг вазнида вақтинчалик чемпионлик камари учун жанг ташкил қилинади.