19 июл 10:50
Янгиликлар
Теннис
Дўстов “Presidents Cup”да ўзидан 1000 поғона юқоридаги теннисчига қарши кортга чиқди
Қозоғистоннинг Астана шаҳрида теннис бўйича “Челленжер” туркумига кирувчи турнир бўлиб ўтмоқда.
Соврин жамғармаси 125 000 АҚШ долларини ташкил қилувчи мусобақада ҳамюртимиз Фаррух Дўстов ҳам иштирок этяпти. Тажрибали теннисчимиз асосий тўр баҳсларига имтиёзли йўлланма асосида қўйилган эди.
Афсуски, Дўстов илк даврадаёқ мағлубиятга учради. У турнирнинг олтинчи ракеткаси, сербиялик Никола Милоевичга 2:6, 1:6 ҳисобида имкониятни бой берди.
Таққослаш учун, Милоевич дунё рейтингида 177, Дўстов эса 1079-ўринни эгаллаб турибди. Фаррух биринчи даврадаги иштирок учун 1300 долларга эга бўлади.
Ҳавола :
Манба : olamsport.com
Фикрлар