"Dubai Cup". Ўзбекистон чемпион, дарвозабонимиз энг яхши бўлди!

Мазкур ғалаба вакилларимизга гуруҳда биринчи ўрнинни қўлга киритиш имконини берди. Сабаби Япония терма жамоаси 3 турда  БААга қарши ўйинда 1:1 ҳисобида дуранг қайд этди. Учта ўйинда икки дуранг ва бир ғалабага эришган японияликларнинг очколари сони 5тага етди.

Ўзбекистон ОТЖ ушбу мусобақада БААни 2:0 ҳисобида мағлуб этди, Япония билан 2:2 ҳисобида дуранг қайд этди. Сўнгги турда Кувайтни 1:0 ҳисобида таслим этиб, 7 очко тўплади ва  "Dubai cup" мусобақасининг ғолибига айланди.

Ўзбекистон олимпия терма жамоаси дарвозабони Умиджон Эргашев мусобақанинг "Энг яхши дарвозабони" сифатида эътироф этилди.