Дунёнинг 1-ракеткасини мағлуб этган Соболенко Мадридда чемпион бўлди

Ҳал қилувчи финал учрашувида WTA рейтингида 7-ўринни эгаллаб турган беларуслик Арина Соболенко дунёнинг биринчи рақамли теннис маликаси, австралиялик Эшли Бартига қарши кортга чиқди. Бир соату 39 дақиқа давом этган баҳсда Арина номдор рақибасини таслим эта олди - 6/0, 3/6, 6/4.

Эшли учрашув давомида 3 та, Арина эса 9 та эйс зарбасини амалга оширди. Теннисчиларнинг ўзаро учрашувларидаги ҳисоб мувозанати тикланди - 4:4. Mutua Madrid турниридаги муваффақиятли иштирок 315,160 евро мукофот пули ҳамда 1000 рейтинг очкосини тақдим этди. Барти эса бу турнирдан 188,280 евро ва 650 очко ишлаб олди.

Бу Соболенконинг мавсумдаги иккинчи, фаолиятидаги 10-соврини бўлди. Арина эртага эълон қилинадиган янги рейтингда тўртинчи ракеткасига айланади.