15 июн 11:30
Янгиликлар
Теннис
Дунёнинг 13-ракеткаси “Уимблдон”да қатнашмайди
Бельгиялик теннисчи Давид Гоффен “Катта Дубулға” туркумига кирувчи “Уимблдон-2017” турнирида иштирок эта олмайди.
Бунга дунёнинг 13-ракеткасининг жароҳат олганлиги сабаб бўлган. Гоффен бу ҳақда ўзининг Twitter ижтимоий тармоғидаги саҳифасида хабар қолдирди.
“Шуни катта афсус билан маълум қиламанки, бу йилги Уимблдон турнирида иштирок эта олмайман. Жароҳатдан кейинги тикланиш жараёни режа асосида кетяпти. Лекин турниргача жароҳатдан тўлиқ фориғ бўлмайман”, - деди Гоффен.
Маълумот учун, бельгиялик теннисчи “Ролан Гаррос” турнирининг учинчи босқичи доирасидаги аргентиналик Орасио Себальосга қарши кечган учрашувда оёғидан жароҳат олган эди.
Ҳавола :
Манба : isport.ua
Фикрлар