Дунёнинг 42 давлати орасида нечанчи бўлдик?

Сайёрамизнинг 5 қитъаси 42 давлатидан 600 нафарга яқин дзюдочилар иштирок этган мусобақада Ўзбекистон терма жамоаси аъзолари ҳам медаллар ҳамда рейтинг очколари учун татамига чиқишди. Якунда ҳамюртларимиздан Ўткирбек Тўрабоев (+100 кг) олтин, Раҳимжон Субҳонов (-66 кг) бронза медалини қўлга киритди. Бу медаллар эвазига Ўзбекистон дунёнинг 42 давлати орасида 7-ўринни эгаллади. 

Биздан юқорида жойлашган Испания, Канада ва Португалия терма жамоалари ҳисобида ҳам 1 тадан олтин медаль бўлди. Лекин бу уч мамлакат дзюдочилари кумуш ва бронза медалларга бизга нисбатан кўпроқ эга чиқишди. 

Германия терма жамоаси 4 та олтин, 1 та кумуш, 5 та бронза медали билан биринчи бўлди. Иккита олтин, 3 та кумуш ва 1 бронза медалига эга Франция иккинчи ўринни банд этган бўлса, кучли учликка 2 та олтин медаль билан Болгария терма жамоаси якун ясаб берди.