17 июн 12:11
Янгиликлар
Теннис
Дунёнинг 9-ракеткаси фаолиятидаги 9-совринга эга чиқди
Нидерландиянинг Хертогенбос шаҳрида ўтказилган майса қопламали ATP турнири австралиялик теннисчининг ғалабаси билан якунланди.
Дунёнинг тўққизинчи ракеткаси бўлган Алекс Де Минаур ҳал қилувчи финал учрашувида ATP рейтингида 26-ўринни эгаллаб турган америкалик Себастьян Кордани ортиқча қийинчиликсиз мағлубиятга учратди - 6/2, 6/4.
Яшил қитъа вакили теннисчиларнинг ўзаро учрашувларида олдинда бормоқда - 3:1. Тўқсон дақиқа давом этган баҳсда Де Минаур 2, Корда 3 та эйс зарбасини амалга оширган. Хертогенбосдаги муваффақиятли иштирок Де Минаурга 250 рейтинг очкоси ҳамда 104,985 евро мукофот пули келтирди. Бу австралиялик теннисчининг фаолиятидаги тўққизинчи ATP соврини бўлди.
Ҳавола :
Манба : gotennis
Фикрлар